ବିବାହର ପ୍ରଲୋଭନ ଦେଖାଇ ନାବାଳିକାଙ୍କୁ ପ୍ରତାରଣା କଲା ପ୍ରେମିକ

ଛେଣ୍ଡିପଦା, ଅନୁଗୋଳ ଜିଲ୍ଲା ବାଗଡିଆ ଥାନା ଅଞ୍ଚଳର ଜୈନେକା ନାବାଳିକାକୁ ବିବାହର ପ୍ରଲୋଭନ ଦେଖାଇ ଦୀର୍ଘ ୪ବର୍ଷ ହେବ ଶାରୀରିକ ସମ୍ପର୍କ ରଖିବା ପରେ ପ୍ରତାରଣା କରିଥିବା ନେଇ ଥାନାରେ ଅଭିଯୋଗ ହୋଇଛି l ସୂଚନା ଯେ ବାଗଡିଆ ଥାନା ଅଞ୍ଚଳର ନାବାଳିକା ଜଣଙ୍କୁ ଥାନା ଅଂଚଳର ହେମନ୍ତ ନାଏକ ୪ବର୍ଷ ହେବ ବିବାହର ପ୍ରତିଶୃତି ଦେଇ ଶାରୀରିକ ସମ୍ପର୍କ ରଖିଆସୁଥିଲେ l ଏପରିକି ଗାଁ ନିକଟସ୍ଥ ଆମ୍ବତୋଟାକୁ ଡାକି ନେଇ ନାବାଳିକାଙ୍କ ସହିତ ଶାରୀରିକ ସମ୍ପର୍କ ରଖିଥିବା ନେଇ ଥାନାରେ ଅଭିଯୋଗ କରିଛନ୍ତି l

ନାବାଳିକା ଜଣଙ୍କ ହେମନ୍ତ ନାଏକଙ୍କୁ ବିବାହ ପାଇଁ କହିବା ପରେ ବିଭିନ୍ନ କଥା କହି ମନା କରିଦେଇଥିଲେ l ନାବାଳିକା ଜଣଙ୍କ ପ୍ରେମିକର ପ୍ରତାରଣା ପରେ ବାଗଡିଆ ଥାନାର ଦ୍ୱାରସ୍ଥ ହୋଇଥିଲେ l ଏନେଇ ବାଗଡିଆ ଥାନା କେସ ନଂ ୩୧/୨୫ରେ ପୋଲିସ ଏକ ମାମଲା ରୁଜୁ କରିବା ସହିତ ପ୍ରେମିକକୁ ଧରିବା ପାଇଁ ପୋଲିସ ଛାନଭିନ ଚଳାଇଛନ୍ତି l